إن بغيت الطيب فيها الطيب مامثله مثيل
وان بغيت الحسن ربي صاغها بأروع جمال
وان بغيت الجود فيها الجود من عرق أصيل
هذي بنت المملكه بنت تضاها بالرجال
ماتعرف اليأس أوقولة (بعيد)أو(مستحيل)
ماتلاقي عندها تعريف للكلمه (محال)
الصبوره..القنوعه..ترضى بالشي القليل
لوما أخشى من الملامه كنت ألبسها عقال
الرقيقه ..الحنونه..راعية بال طويل
الكريمه..العظيمه..ماتقصر بالوصال
بنت أبوها تخدمه بعيونها لو هو عليل
وامها تفخر بها وتدعي لها بولد الحلال
أي وربي أنا للسعوديه ما ارضى بديل
يابعده يالرطب اللي كسر سوق الخلال
يالجميله..يالوصيله..جيت لك مثل الذليل
اطلب القرب بوصالك جننه زود الدلال
يالحشيمه..يالرحيمه..يالوفيه بالخليل
زان طبعك من جدودك ثم عمامك والخوال
من يلوم اللي غدى من نظره بعينك قتيل
لو يحاول أو يقاوم ماله بموته مجال
ان حضرتي تشعلين الحفل بالخصر النحيل
تبهرين الحفل وانتي تصيرين الإحتفال
من يشوفك غصب عنه قلبه المغرم يميل
مو بكيفه وين مارحتي قلبه المغرم مال
انتي نهر مايجف من العطا يالسلسبيل
وانتي في دينا الهوى وطبع الوفا أروع مثال
انتي أختي وانتي أمي وكل احساس جميل
وانتي العشق الحقيقي وزوجتي وام العيال
لو ألف الكون ما ألاقي لك قبيل
انتي وحدك لايهمك من حكى..فيكي وقال
انتي مثل النجمه اللي تضوي الليل الكحيل
وان يطال سهيل النجم فانتي
النجمه ماتطال
موضوع: اهدااااا الى بنات المملكة 
السبت نوفمبر 01, 2008 3:20 am
